"ဂုဏ်ယူပါတယ် Host အသန်မာဆုံး မျက်နှာဖုံး စနစ် ကို အသက်သွင်းလိုက်ပါပြီ... စနစ် ချိတ်ဆက်နေသည်... ချိတ်ဆက်မှု အောင်မြင်သည်။" ရုတ်တရက် အီလက်ထရွန်နစ် အသံတစ်ခုက ဆူရွှင့် ၏ စိတ်ထဲတွင် ပေါ်လာပြီး သူ့ကို အိပ်ချင်မူးတူး ဖြစ်နေရာမှ ချက်ချင်း လန့်နိုးသွားစေကာ အိပ်ချင်စိတ်များ ပျောက်ကွယ်သွားသည်။ "စိတ်ထင်တာလား? နားကြားမှားတာလား?" ဆူရွှင့် အနည်းငယ် ကြောင်သွားသည်။ သူဖတ်နေကျ ဝတ္ထုတွေအကြောင်း တွေးမိရင်း အကြောင်းပြချက်မရှိဘဲ "စနစ်?" ဟု ရေရွတ်လိုက်မိသည်။ "ရှိပါတယ်။" တကယ်တမ်း အဖြေပြန်ရလိမ့်မည်ဟု သူ မမျှော်လင့်ထားမိ။ ဆူရွှင့် အတော်ကြာ ကြက်သေသေသွားပြီးနောက် ထိန်းမနိုင်သိမ်းမရသော ပျော်ရွှင်မှုများက လွှမ်းမိုးသွားသည်။ သူ အတန်းထဲမှာ အိပ်နေရင်း စနစ် တစ်ခု ကောက်ရခဲ့တာလား။ သူ့ရဲ့ … Continue reading အခန်း ၁: လိမ်လည်မှု (Cheat) နဲ့ ရှင်သန်တဲ့ဘဝအတွက် ရှင်းပြစရာမလိုဘူး။

ဝတ္ထုအကျဉ်းချုပ် အသန်မာဆုံး မျက်နှာဖုံးစနစ် (Strongest Vest System) ကို အသက်သွင်းလိုက်ပြီးနောက် အပတ်စဉ် အထောက်အထား (Identity) အသစ်တစ်ခု ရရှိနေသည်။ သူ့ကိုကြည့်ရသည်မှာ သာမန်ကျောင်းသားတစ်ယောက်ပုံ ပေါက်သော်လည်း၊ နောက်ကွယ်မှာတော့ သူဟာ နိုင်ငံစုံကော်ပိုရေးရှင်းကြီးတစ်ခု၏ ဥက္ကဌ၊ ပြိုင်ဘက်ကင်း ပါရမီရှင်ဆရာဝန်၊ ကမ္ဘာ့အတော်ဆုံး စားဖိုမှူး၊ ကမ္ဘာ့ထိပ်တန်း ကြေးစားလူသတ်သမား၊ ပြီးတော့ အလွန်ထူးချွန်သော စိတ်ညှို့ပညာရှင်တစ်ယောက် ဖြစ်နေသည်။ တိုတိုပြောရရင် သူ့မှာ မရေမတွက်နိုင်တဲ့ မျက်နှာဖုံးတွေ (လျှို့ဝှက်ပုံစံတွေ) ပိုင်ဆိုင်ထားသည်။ ဆူရွှင့် : "ကျွန်တော်က တကယ်ကို သာမန်လူတစ်ယောက်လိုပဲ နေချင်တာပါ၊ ဘာလို့ ဒီလောက်တောင် ခက်ခဲနေရတာလဲ?"